Բրիտանացի դերասան Չարլզ Դենսը, որը «Գահերի խաղը» ֆիլմում կատարել է Թայվին Լանիսթերի դերը, հաստատել է տեղեկատվությունն այն մասին, որ հեռուստատեսային նախագիծը կարող է լիամետրաժ ֆիլմ դառնալ: Նրա խոսքերով՝ ստեղծողները, այդ թվում նաև գրող Ջորջ Մարտինը, արդեն բազմիցս քննարկել են այդ գաղափարը, և այն իրականացնելու շատ հնարավորություններ կան, հաղորդում է The Telegraph-ը:
«Պրոդյուսերները խոսում են լիամետրաժ ֆիլմի մասին, սակայն ես չգիտեմ, թե սյուժեի որ գծի վրա այն կնկարահանվի: Դրանք չափազանց շատ են, որպեսզի տեղավորվեն մեկ ֆիլմում»,- նկատել է Դենսը:
Ինքը՝ Ջորջ Մարտինը, ավելի վաղ ԶԼՄ-ներին հայտարարել է, որ կինոհանդիսատեսին զբաղեցնելու դեռ շատ նյութ ունի:
«Գահերի խաղը» հիմնված է Ջորջ Մարտինի «Սառույցի և կրակի երգը» գրքերի շարքի վրա: Շարքի առաջին գիրքը թողարկվել է 1996 թ.:
«Գահերի խաղը» սերիալը երկու անգամ առաջադրվել է «Էմմի» կինոմրցանակին և արժանացել «Հյուգո» մրցանակին:
Սերիալի հինգերորդ սեզոնը սկսվել է այս տարվա հունիսին Իսպանիայում: Պրեմիերան պլանավորված է 2015 թ.:
