Ճապոնական Shimizu Corp. շինարարական ընկերությունը մոտ 5 000 մարդու «տարողությամբ» Ocean Spiral՝ յուրատեսակ էկոլոգիական ստորջրյա քաղաքի նախագիծ է ներկայացրել, որի մոտավոր արժեքը 25.3 մլրդ դոլար է: Այս մասին հայտնում է RIA Novosti-ն՝ հղում անելով ընկերության մամլո հաղորդագրությանը:
Հաղորդվում է, որ հավակնոտ նախագիծը բաղկացած կլինի 3 մասից: Կառույցի առաջին մասը 500 մ տրամագծով գունդ կլինի, որի միայն վերին մասը կմնա ջրի վրա:
Այդ հսկա գնդանման կառույցի կենտրոնում յուրատեսակ աշտարակ կլինի: Այդտեղ կլինի 350 սովորական և 50 սյութ համարներով հյուրանոց, բնակարաններ, մոտ 50 000 ք.մ տարածքով օֆիսային շենքեր, նաև գիտահետազոտական կենտրոն:
Ներքևից գունդը միացված կլինի 15-կիլոմետրանոց պարույրով, որը 3-4 կմ կգնա օվկիանոսի խորքը: Մյուս ծայրից գնդին կմիացվի այսպես կոչված՝ երկրային գործարան՝ ջրի հատակի և դրա ընդերքի ռեսուրսների ուսումնասիրման և մշակման հետազոտական կենտրոն:
Ընկերության ներկայացուցիչները խոսքով՝ նախագիծը կարող է իրագործվել մինչև 2030 թ.:
