Նյու Յորքի քաղաքապետ Բիլ դե Բլազիոն խոստացել է անձամբ կարգուկանոն հաստատել Ռիքերս Այլենդի քաղաքային ուղղիչ հաստատություններում: Ռիքերս Այլենդը կղզի-բանտ է Իսթ Ռիվեր նեղուցում: Նրա խոսքով՝ Ռիքերս Այլենդը մշակութային վերակազմավորման և արմատական բարեփոխման խիստ կարիք ունի, և հանձնարարված է այդ բանտային համալիրում վերջ տալ բռնության ու դաժանության դրսևորմանը: Այս մասին հայտնում է TASS գործակալությունը:
Այդ հանձնարարությունը դե Բլազիոն համարել է իր ամենակարևոր առաջնահերթությունը և մտադրություն հայտնել դեկտեմբերի 18-ին կղզի այցելել: Այցի ընթացքում նա պարզելու է բարեփոխումներին ուղղված ջանքերի հստակ ուղղություններն ու մասշտաբները:
