ԱՄՆ պետդեպի ներկայացուցիչ Ջեֆ Ռաթքեն հաստատել է փոխպետքարտուղարի պաշտոնին հավակնող Թոնի Բլինքենի խոսքերը, որ ԱՄՆ-ը կարող է քննարկել Ուկրաինայի զենքով օգնելու հնարավորությունը: Այս մասին գրում է RIA Novosti-ն:
«Զենքով օգնելու վերաբերյալ մեր դիրքորոշումը չի փոխվել: Ոչնչի քննարկումը բացառված չէ: Մենք նախկինի պես կարծում ենք, որ ռազմական լուծում գոյություն չունի: Սակայն ռուսական գործողությունների ֆոնին` ինչպես երեկ հիշատակել է թեկնածուն, մենք պետք է դա քննարկենք»,- ասել է Ռաթքեն:
«Ուկրաինան իրավունք ունի իրեն պաշտպանել շարունակվող ագրեսիայից: Եվ ԱՄՆ-ը, ինչպես դուք իհարկե գիտեք, անվտանգության ոլորտում օգնության տեսքով 116 մլն դոլար է հատկացնում` այդ հարցում օգնելու համար»,-հավելել է նա: