Արքայազն Հարիի քառօրյա ճանապարհորդությունը շարունակվում է: Օմանում գտնվելու վերջին օրը բրիտանական թագավորական ընտանիքի անդամը այցելել է քաղաքի գլխավոր մզկիթը՝ Մասկթը՝ Կաբուս սուլթանի Մեծ մզկիթը, գրում է Spletnik.ru-ն:
Մուսուլմանական սովորույթների համաձայն՝ մզկիթ մտնելիս բրիտանացի արքայազնը հանել է կոշիկները, որից հետո ներս է մտել և զննել մզկիթի ներքին հարդարումը:
Այս նոտայով էլ ավարտվել է արքայազնի Օման կատարած այցելությունը: Էքսկուրսիայից անմիջապես հետո արքայազնը ուղևորվել է միջազգային օդանավակայան: Հարիի հաջորդ կայանատեղին Աբու-Դաբին է, որտեղ նա կմասնակցի պոլոյի բարեգործական մրցարշավին, որի նպատակն է գումարներ հավաքել մանկական Sentebale հիմնադրամի համար:
Սպորտային հանդիպումից հետո Հարին պատրաստվում է մասնավոր կարգով մնալ ԱՄԷ-ի մայրաքաղաքում: ԶԼՄ-ների տվյալներով՝ արքայազնը ցանկանում է տեսնել Աբու-Դաբիի Գրան-Պրիի եզրափակիչ փուլը, որը կկայանա նոյեմբերի 21-23-ը: