Mercedes-Benz ընկերությունը ներկայացրել է նոր` «վերածնված» Maybach ապրանքանիշի առաջին մոդելը: Նորույթը ստացել է Mercedes-Maybach S600 անվանումը: Ավտոմեքենայի շնորհանդեսը տեղի է ունեցել Չինաստանի Գուանչժոուի և ԱՄՆ-ի Լոս Անջելեսի ավտոսրահներում:
Maybach-ի գաբարիտային երկարությունը 5453 մմ է, իսկ անվային բազայի չափսը հավասար է 3365 մմ-ի:
Սրահի հետևի մասում երկու առանձին բազկաթոռներ են` էլեկտրակարգավորիչներով և մերսումով: Բացի այդ, երկրորդ շարքի ուղևորների համար նախատեսված են առանձին սեղանիկներ և մուլտիմեդիա համակարգի մոնիտորներ, սեփական «քլիմաթ-քոնթրոլ»:
Արտադրողը Mercedes Maybach-ն անվանում է ամենաանաղմուկ սերիական սեդանն աշխարհում: Բանն այն է, որ ավելորդ աղմուկը նվազեցնող հատուկ տարրերն ավելացվել են նաև անվտանգության գոտիների համակարգերին:
Նախապես նորույթը հասանելի կլինի S 500 և S 600 մոդելների տեսքով: Նրանցից առաջինն ունի 4.7 լիտրանոց շարժիչ`455 ձիաուժ հզորությամբ, իսկ երկրորդը`530 լիտր տարողությամբ V12 շարժիչ: