Էմորի համալսարանի գիտնականների տվյալներով՝ երեխաները, որոնց մոտ վատ են զարգացած սոցիալական հմտությունները, ավելի շատ են անառողջ սնունդ ուտում: Դրանից բացի, նրանք ֆիզիկապես ավելի պասիվ են, հաղորդում է Science World Report-ը:
Գիտնականները վերլուծել են 9-11 տարեկան 8346 երեխաների տվյալներ: Նրանք համեմատել են երեխաների սոցիալական հմտությունները այլ գործոնների, մասնավորապես քաշի և հասակի հետ:
Ուսումնասիրողները պարզել են, որ սոցիալական հմտություններին վատ տիրապետող երեխաների մոտ ավելի մեծ է քաշի ավելացման և անառողջ սնունդ ընդունելու հավանականությունը: Դրանից բացի, 9 տարեկանում սոցիալապես ցածր հմտություն ունեցող երեխան 11 տարեկանում տառապել է ճարպակալմամբ: Գիտնականներիկարծիքով՝ անառողջ սննդի միջոցով երեխան փորձում է ազատվել շփումից բացասական փորձ ստանալու սթրեսից, իսկ նստակյաց կյանքը նրան օգնում է խուսափել սպորտային մրցումներում տապալվելուց և քննադատվելուց:
