Պրոֆեսիոնալ բռնցքամարտի գերծանր քաշային կարգում IBF/IBO/WBA/WBO վարկածներով աշխարհի չեմպիոն Վլադիմիր Կլիչկոն կարող է մոտ ժամանակներս հնարավորություն ստանալ մենամարտել WBC վարկաշով աշխարհի չեմպիոնի կոչման համար:
WBC-ի տնօրեն Մաուրիսիո Սուլեյմանը հայտարարել է, որ կազմակերպությունը կողմ է ուկրաինացուն մենամարտելու հնարավորություն տալու տարբերակին:
WBC վարկածով աշխարհի չեմպիոնի գոտին այժմ պատկանում է Բրեմեյն Սթիվերնին, ով 2015թ. հունվարին պետք է մենամարտի գոտու պարտադիր հավակնորդ Դեոնթե Ուայդլերի հետ:
«Վլադիմիրը բռնցքամարտի իսկական խորհրդանիշ է: WBC-ն կողմ է Վլադիմիրին չեմպիոնական մենամարտ անցկացնելու հնարավորություն տալու տարբերակին»,- Սուլեյմանի խոսքերը մեջբերում է Bild-ը:
Նշենք, որ WBC վարկածով աշխարհի չեմօպիոնական հոտին նվաճելու դեպքում Վլադիմիր Կլիչկոն կդառնա աշխարհի բացարձակ չեմպիոն՝ ունենալով բոլոր չեմպիոնական գոտիները: