«Այն ֆիլմերում, որոնցումես նկարահանվել եմ, մի քիչ բացասական կերպարներ են, ավելի կրիմինալին տանող. այս ֆիլմում ևս դոնի կերպար է, բայց ավելի գրոտեսկի մեջ»,- «Առաջին լրատվական»-ի հետ զրույցում ասաց «Ուրիշի փոխարեն» ֆիլմի դերակատարներից երգիչ, դերասան Արամոն:
Վերջինս մեզ հետ զրույցում անկեղծացավ, թեկցանկանար, որ ռեժիսորները մի քիչ այլ կերպ իրեն տեսնեն: «Ես շատ եմ ուզում ավելի տրագիկ, ինչու չէ՝ կոմեդիայի մեջ լինել»,-ասաց դերասանը:
Հարցինի պատասխան՝ ինչո՞ւ են նկարահանվում գերազանցապես կատակերգական ժանրի ֆիլմեր,նանկատեց, որ ժպիտն է պակասել: «Իսկ շատ կարևոր է: Ես չեմ խոսում թեթևսոլիկ ֆիլմերի մասին։Հիանալի թեմաներ կան, որ կարելի է կինո բերել: Դա շատ մարդկանց կհուզի, շատ-շատ մարդկանց»,- ասաց Արամոն՝ նկատելով, որ թեմաները կան, պարզապես պետք է սցենարիստներն ու դրամատուրգները մտածեն, իսկ ռեժիսորները՝ իրագործեն:
Արդյոք կատակերգություն են նկարում, որ ֆինանսապես շահավե՞տ լինի. այս հարցին դերասանը պատասխանեց, որ կինոն ֆինանսներ է պահանջում: «Դա մեծ ինդուստրիա է: Դա կոլեկտիվ աշխատանք է: Եթե ուզում ես լավ բան նկարել, ուրեմն ֆինանասներ պետք են: Իհարկե, չնչին գումարով կարող ես ինչ-որ բան տալ, բայց կինոն մեծ գումարների հետ է կապված»,- հավելեց վերջինս:
Մանրամասները՝ տեսանյութում: