«Կարծում եմ, որ մերժումը կարող է միայն մեկ նպատակ ունենալ. երբ ՀՀ նախագահի կողմից կառավարությանն առաջարկություն արվեց ևս մեկ անգամ ուշադրություն դարձնել Եռյակի կողմից առաջարկված 12 կետերի իրականացմանը և ճանապարհներ փնտրելու խնդիրների լուծման նպատակով, դրանից հետո կառավարության ղեկավարը հանձնարարություն տվեց խմբեր ձևավորել՝ քննելու այն ընթացքը, որ տեղի է ունենում այդ կետերի կատարման ուղղությամբ»,- Եռյակի այսօրվա հայտարարությանն ի պատասխան ասաց ԱԺ ՀՀԿ խմբակցության քարտուղար Գագիկ Մելիքյանը:
Նա նշեց, որ այն խնդիրներն, որոնք առաջադրվել են ոչ իշխանական ուժերի կողմից, երբեք իշխանության ուշադրությունից դուրս չեն գտնվել. «Եվ ոչ միայն այդ 12 կետերը, այլև ընդհանրապես մեծ թվով խնդիրներ ևս, որոնք կառավարության ուշադրության կենտրոնում են և առաջնահերթ լուծման նպատակ են հետապնդում: Մերժել մասնակցությունը՝ այդ խնդիրների լուծման ճանապարհն ավելի կարճացնելու, հեշտացնելու համար, դա փաստ է, որ ոչ իշխանական ուժերին այդ կետերի լուծումը չի հետաքրքրում: Իրենց նպատակը միայն անձնափոխությունն է»:
Ավելին՝ տեսանյութում: