Ուկրաինացի լեգենդար բռնցքամարտիկ Վիտալի Կլիչկոն խոսել է Շենոն Բրիգսի (57-6-1, 50 նոկաուտ)՝ իր եղբոր՝ Վլադիմիր Կլիչկոյի հետ հավանական մենամարտի մասին: Բրիգսն ամերիկացի վերջին չեմպիոնն էր գերծանր քաշային կարգում:
«Շենոնն արդեն մենամարտել է ինձ հետ, որից հետո հայտնվել է հիվանդանոցում: Տեսնում եմ, որ նա լավ է վերականգնվել ու ցանկանում է մենամարտել եղբորս հետ: Նրան խորհուրդ չեմ տա անել դա:
Ես արդեն ծերուկ եմ, և նրա համար ավելի հեշտ կլիներ ինձ հետ մենամարտում, բայց Վլադիմիրի պարագայում ամեն ինչ այլ է: Իհարկե, սա կատակ է (ժպտում է):
Բրիգսը լուրջ տղա է: Նրա կազմակերպած շոուներից հետո մարդիկ ցանկանում են տեսնել Կլիչկո-Բրիգս մենամարտը: Ժամանակը ցույց կտա»,- Կլիչկոյի խոսքերը մեջբերում է Boxingscene-ը:
Հիշեցնենք, որ Վլադիմիր Կլիչկոն Շենոն Բրիգսին պարտության է մատնել 2010թ.: 42-ամյա Բրիգսը մարզական կարիերան վերսկսել է 2014թ. ապրիլին՝ մինչև հիմա տոնելով 6 հաղթանակ (5-ը՝ նոկաուտով):