Ղազախստանի Ալմա-Աթա քաղաքում շարունակվում է ծանրամարտի աշխարհի 2014թ. առաջնությունը:
69 կգ քաշային կարգում Հայաստանի ներկայացուցիչ Վանիկ Ավետիսյանը 13-րդն էր պոկում վարժությունում: Նա առաջին մոտեցմամբ գլխավերևում է պահել 137, այնուհետև՝ 141 կգ ծանրաձողը: Վանիկը ձախողել է երրորդ մոտեցումը՝ չկարողանալով հաղթահարել 143 կգ-ը: Այս վարժությունում մեր ծանրորդի անձնական ռեկորդը կազմում է 144 կգ:
Վանիկը շատ հաջող է հանդես եկել հրում վարժությունում: Նա առաջին մոտեցմամբ բարձրացրել է 173 կգ, իսկ երկրորդ մոտեցմամբ՝ 179 կգ՝ սահմանելով անձնական ռեկորդ: Նա չի կարողացել հաջողության հասնել երրորդ մոտեցման ժամանակ՝ չբարձրացնելով 183 կգ-ը:
Այսպիսով՝ Վանիկ Ավետիսյանը երկամարտի 320 կգ արդյունքով գրավել է 5-րդ հորիզոնականը:
Ֆանտաստիկ ելույթ ունեցավ Չինաստանը ներկայացնող Հուի Լիաոն: Նա 166 կգ-ով համաշխարհային ռեկորդ սահմանեց պոկում վարժությունում: Լիաոն փայլեց նաև հրում վարժությունում: Նա բարձրացրեց 193 կգ ծանրաձողը և համաշխարհային ռեկորդ սահմանեց նաև պոկում վարժությունում: Երկամարտի 359 կգն-ն նույնպես ռեկորդային էր այս քաշում: