ԵՊՀ պատմության ֆակուլտետի դեկան Էդիկ Մինասյանից հետաքրքրվեցինք՝ հնարավո՞ր է արդյոք Հայաստանում իրականացնել բուրժուադեմոկրատական հեղափոխություն:
«Բուրժուադեմոկրատական հեղափոխություն ժամանակին արել են տարբեր եվրոպական երկրներում, բայց դա ունի տարբեր առանձնահատկություններ, հասունացման աստիճան, դասակարգային մոտեցում, թե ովքեր են մասնակցում այդ հեղափոխությանը: Այն ժամանակ բուրժուազիան էր և դրա կողքին՝ որոշակի ուժեր, իսկ այսօր ես չեմ կարծում, թե մենք բուրժուա ունենք. այդ դասակարգը վաղուց վերացել է»,- պատասխանեց Մինասյանը:
Նրա խոսքով՝ այսօր չկա այդպիսի հեղափոխական ուժ և նույնիսկ հեղափոխության հնարավորություն:
«Առաջին լրատվական»-ի դիտարկմանը, թե՝ Լևոն Տեր-Պետրոսյանի խոսքերով՝ այդ բուրժուան Ծառուկյանն է, և հենց նրանով էլ կսկսվի բուրժուադեմոկրատական հեղափոխությունը, Էդիկ Մինասյանն արձագանքեց. «Ես դժվարանում եմ շատ բան ասել, այսօրվա իրավիճակը շատ բարդ է: Սակայն ես չեմ կարծում, որ հենց այսօր նրանց բոլոր ասածները իրականություն կդառնան: Ես հեռու եմ այն մտքից, թե հենց վաղը հեղափոխություն է լինելու. այսօր չեմ տեսնում նման բան: Հեղափոխությունը կատարվում է զինված ուժերով, իսկ դա կտանի կոնկրետ քաղաքացիական պատերազմի, որին ես կտրականապես դեմ եմ»:
Առավել մանրամասն՝ տեսանյութում: