Ըստ օդերևութաբանների կանխատեսումների՝ նոյեմբերի 2-ին, 3-ի գիշերը հանրապետության ողջ տարածքում սպասվում են տեղումներ:
Նոյեմբերի 2-ի երեկոյան ժամերից և 3-ի գիշերը լեռնային և նախալեռնային գոտիներումտեղումները կդիտվեն ձյան, հովտային գոտիներում՝ ձնախառն անձրևի տեսքով:
Տեղումների առավելագույն ինտենսիվությունը կդիտվի Վայոց Ձորում, Սյունիքում և Արցախում: Նոյեմբերի 3-ի ցերեկը տեղումները կպահպանվեն միայն Սյունիքում և Արցախում:
ԱԻՆ Հիդրոմետ ծառայության տեղեկացմամբ՝ նոյեմբերի 4-ին՝ օրվա երկրորդ կեսից, հանրապետության շրջանների զգալի մասում կրկին սպասվում են թույլ տեղումներ՝ հիմնականում ձյան տեսքով: Լեռնային և նախալեռնային շրջանների ճանապարհներին կդիտվի մերկասառույց, բուք և ցածր հորիզոնական տեսանելիություն:
Օդի ջերմաստիճանը նոյեմբերի 2-ի երեկոյան ժամերից մինչև նոյեմբերի 4-ը հանրապետության ողջ տարածքում կնվազի 8-10 աստիճանով:
Նոյեմբերի 4-ին Շիրակում, Կոտայքում, Գեղարքունիքում, Արագածոտնի և Վայոց Ձորի լեռնային գոտիներում և Լոռիում գիշերը տատանվելով -5…-8, ցերեկը 0…-4, Տավուշում գիշերը -2…+1, ցերեկը 0…+3, Արագածոտնի, Վայոց Ձորի նախալեռներում և Արարատյան դաշտում գիշերը 0…-2, ցերեկը +2…+5, Սյունիքի նախալեռներում գիշերը -2…-5, ցերեկը -1…+2, Սյունիքի Հովիտներում գիշերը -2…+1, ցերեկը 0…+3, Արցախում -2…+2, ցերեկը 0…+5, Երևանում գիշերը 0…-2, ցերեկը +3…+5 սահմաններում:
Իսկ առաջիկա օրը՝ նոյեմբերի 2-ին, մեր հանրապետության լեռնային շրջաններում գիշերն սպասվում է +1…+4, ցերեկը՝ +4…+7, նախալեռներում գիշերը` +3…+6, ցերեկը՝ +6…+10, Արարատյան դաշտում գիշերը` +3…+7, ցերեկը՝ +8…+11, Սյունիքի հովիտներում գիշերը` +6…+9, ցերեկը՝ +9…+12, Արցախում գիշերը՝ +3 … +5, ցերեկը՝ +6 … +9 աստիճան:
Նոյեմբերի 1-ին, 2-ին, 3-ի գիշերը Երևանում սպասվում են տեղումներ: 3-ի գիշերը հնարավոր է թաց ձյուն: Նոյեմբերի 3-ի ցերեկը, 4-ին սպասվում է փոփոխական ամպամածություն, սակայն տեղումների հավանականությունը փոքր է:
Նոյեմբերի 5-ին սպասվում է առանց տեղումների եղանակ:
Մայրաքաղաքում օդի ջերմաստիճանը նոյեմբերի 2-ի գիշերը սպասվում է +5..+7, ցերեկը` +9…+11, առաջիկա երեկոյան՝ +8 … +10, վաղը երեկոյան՝ +4… +6: