SEAL ստորաբաժանման նախկին մարտիկ, «Ոչ հեշտ օր» գրքի հեղինակ Մեթ Բիսոնեթը գտնվում է հետաքննության տակ՝ գաղտնի տեղեկատվության բացահայտման կասկածանքով. նրա դեմ կարող է առաջադրվել քրեական մեղադրանք: Այս մասին հայտնում է Associated Press-ը՝ հղում անելով ԱՄՆ զինվորական պաշտոնյաներին:
Դեռ 2012-ին էր Պենտագոնը հայտարարել, որ ծովային հետևակի գրած գիրքը Բեն Լադենի մասին պարունակում է գաղտնի տեղեկատվություն: ԱՄՆ զինվորական գերատեսչությունում նշել էին, որ Բիսոնեթը նախ պետք է ձեռագիրն ուղակեր պաշտպանության նախարարություն:
«Հետաքննությունը գնում է բնական ճանապարհով ու կարող է հանգեցնել դատական հայցի»,- հայտարարել է Պենտագոնի մամլո քարուղար, ռազմածովային նավատորմի հրամանատար Էմի Դերիկ-Ֆրոսթը: