Թուրքիայի նախագահ Ռեջեփ Թայիփ Էրդողանը քննադատել է միջազգային կոալիցիային սիրիական Քոբանի (Այն էլ-Արաբ) քաղաքի ռմբակոծության վրա կոալիցիայի գործողությունները, իր կարծիքով, ավելորդ կենտրոնացնելու համար: TASS-ի հաղորդմամբ՝ այս հայտարարությունը նա արել է Փարիզում մամլո ասուլիսի ժամանակ, որտեղ գտնվում է այցով:
«Ինչո՞ւ են միջազգային կոալիցիայի ուժերը մշտապես ռմբակոծում Քոբանի քաղաքը, ինչո՞ւ նրանք չեն գրոհում այլ քաղաքներ: Խոսքը մշտապես Թուրքիայի սահմանի մոտ գտնվող Քոբանիի մասին է, ընդ որում՝ այդ քաղաքում հիմա գրեթե բնակիչ չի մնացել, միայն մոտ 2000 մարտիկ կա»,- ասել է Էրդողանը:
Ֆրանսիայի նախագահ Ֆրանսուա Օլանդը պաշտպանել է նրա կարծիքը: Նրա խոսքով՝ Սիրիայում Քոբանիից բացի՝ այլ քաղաքներ ևս կան, որոնց հիմա սպառնում են ԴԱԻՇ-ի («Իրաքի և Շամի իսլամական պետություն») զինված խմբերը:
Օլանդը նշել է, որ «նույնիսկ եթե բնակչությունը լքել է Քոբանի քաղաքը, պետք է անհրաժեշտ աջակցություն ցուցաբերել մարտիկներին»: «Եվ այդ առումով մենք հույսը դնում ենք Թուրքիայի վրա»,- ավելացրել է նա: