Հելոուինի կապակցությամբ Վայրի բնության համաշխարհային հիմնադրամը (WWF) կազմել է, հիմնադրամի աշխատակիցների կարծիքով, աշխարհի 13 ամենասարսափելի կենդանիների ցուցակը: Այս մասին հայտնում է Lenta.ru-ն՝ հղում անելով հիմնադրամի մամլո հաղորդագրությանը:
Կենդանաբանների համար ընտրության չափանիշը եղել է ինչպես կենդանիների արտաքին տեսքը (այսպես՝ ցուցակում հայտնվել են մարդու համար անվնաս չղջիկներ), այնպես էլ դրանց վայրի սովորությունները: Ցուցակում հիշատակվել են վագրը, գայլը, սպիտակ արջը և մարդու համար վտանգավոր մեծ սպիտակ շնաձուկը:
Գիտնականներն ուշադրություն են դարձնում, որ վտանգավոր հրեշների համբավը որոշ տեսակների հասցնում է ոչնչացման եզրին:
Ցուցակում հայտնվել են նաև իժեր (հարավաֆրիկյան լեռնայինն ու եղջյուրավորը)՝ թունավոր լինելու պատճառով, դեղին շնաձուկը, սարսափելի տեսքով երկարեղջյուր թրատամը և սարդ, որն իր զոհերին սարդոստայնից գցում է լաբիրինթոսը:
Ցուցակում 13-րդ սարսափելի կենդանին մարդն է: Նա հիշատակվել է կենդանիների ակտիվ կոտորածի և շրջակա միջավայրը փչացնելու համար: