«Բոկո Հարամ» իսլամիստական խմբավորման առաջնորդ Աբուբաքար Շեկաուն իր տեսաուղերձում հայտարարել է, որ այս տարվա ապրիլին առևանգված 219 դպրոցականներն իսլամ են ընդունել, և նրանց ամուսնացրել են: Այս մասին հայտնում է Al Jazeera-ն:
«Նրանք այժմ ապրում են իրենց ամուսինների տներում»,- հայտնել է Շեկաուն:
Բացի այդ, նա հերքել է տեղեկատվությունն այն մասին, թե հոկտեմբերի 17-ին հրադադար է ձեռք բերվել Նիգերիայի իշխանությունների հետ: Այդ հարցին վերաբերող իշխանությունների բոլոր հայտարարությունները Շեկաուն անվանել է սուտ: Նրա խոսքով՝ խմբավորոմը հրաժարվում է հրադադարի վերաբերյալ հետագա բանակցություններից:
Նշվում է, որ առևանգված 276 դպրոցականներից 57-ը միացել են իրենց ընտանիքներին: