«Հրապարակ» թերթը գրում է. «Պլանավորած հանրահավաքի չկայանալու փաստը քաղաքական հակառակ ճամբարներում եռյակի փլուզման մասին կանխատեսումների տեղիք է տալիս:
… Գագիկ Ծառուկյանը զուգահեռ շարունակում է արտախորհրդարանական ուժերի հետ հանդիպումների շարքը: Վերջին հանդիպումը եղել է «Առաքելություն» կուսակցության երիտասարդների հետ` կոնյակի գործարանում: Տեղեկություններ կան, որ Ծառուկյանի հետ հանդիպումը անցել է բավական ջերմ մթնոլորտում: Տեղեկություններ կան, որ մի կողմից եռյակը համալրվում է, մյուս կողմից պառակտվելու վտանգ կա: Խոսքը Րաֆֆի Հովհաննիսյանի «Ժառանգության» մասին է, որին ուզում են մեղմորեն դուրս հրավիրել եռյակից: Բայց այնպես, որ ոչ իրենց հեղինակությունը տուժի, ոչ Րաֆֆին աղմուկ բարձրացնի: Որոշ հեղափոխականներ առաջարկում են հրաժարվել քառյակ-եռյակ ձևաչափից: Տեր-Պետրոսյանի մտահաղացումը` շարժումը համալրել Ստեփան Դեմիրճյանի ՀԺԿ-ով, որևէ կերպ կյանքի չի կոչվում: Այս մտքին դեմ է Գ. Ծառուկյանը»:
Մանրամասները՝ թերթի այսօրվա համարում