Նյու Յորքի իշխանությունները համաձայնել են 2.25 մլն դոլարի չափով փոխհատուցում տրամադրել տեղի «Ռայքերս-Այլենդ» բանտի կալանավոր Ջերոմ Մերդաուի մորը:
Բանտարկյալը մահացել էր այս տարվա փետրվարին՝ այն բանից հետո, երբ նրա խցում ջերմաստիճանը մի քանի ժամ հասել է մոտ 40 աստիճանի: Այս մասին հայտնում է TASS գործակալությունը:
Փետրվարի սկզբին ոստիկանները ձերբակալել էին 56-ամյա հոգեկան հիվանդ, ամերիկյան ԶՈւ վետերան Մերդաուին օտար տարածք ներխուժելու համար: Բանն այն է, որ նա գիշերել էր Հարլեմ շրջանի բազմահարկ շենքերից մեկի տանիքին: Մեկ շաբաթ անց նրան տեղավորել էին նշված բանտի՝ հոգեկան հիվանդություններով տառապող բանտարկյալների հատուկ բլոկում: Ողբերգությունը տեղի էր ունեցել հենց հաջորդ օրը՝ տեխնիկական խնդիրների պատճառով:
