Դրան դժվար է հավատալ, սակայն կանադացի նկարիչ Steven Spazuk-ը իր նկարները ստեղծելու համար որպես գործիք մոմի կրակն է օգտագործում: Նրա տեխնիկան տարեցտարի կատարելագործվում է, որն էլ մշտապես հանդիսատեսի հիացմունքն է առաջացնում, գրում է kulturologia.ru-ն:
Սպազուկը այս մեթոդը մտածել է 14 տարի առաջ, այնուհետև կատարելագործել է այն: Նա խոստովանում է, որ այդ մեթոդը քնի մեջ է սովորել: Մի օր երազում նման մեթոդով ստեղծված մի ամբողջ ցուցասրահ է տեսել: Արթնանալով, նա արդեն գիտեր, ինչից սկսել:
Իսկ ահա թռչունների պատկերներում նա իսկական փետուրներ է օգտագործել, որպեսզի ավելի հստակ փոխանցի իր գաղափարը:
Ամենադժվար աշխատանքները դիմանկարներն են: Նկարիչը սկզբում աշխատում է յուրաքանչյուր էլեմենտի հետ, այնուհետև խճանկարի պես միացնում է դրանք: