Քեմբրիջի դուքս Ուիլյամը և դքսուհի Քեթրինը 14 ամսական արքայազն Ջորջի հետ Շոտլանդիա են մեկնել հետաքրքրասեր հայացքներից հեռու մի քանի օր անցկացնելու համար: Այս մասին գրում է ELLE-ն:
Զույգը կհանգստանա Բալմորալ ամրոցում` Եղիսաբեթ II թագուհու ամռայանի նստավայրում: Սովորաբար Քեյթը և Ուիլյամն այնտեղ են մեկնում օգոստոսին, սակայն այս տարի ծրագրերը փոխվեցին Քեյթի հղիության պատճառով:
«Ուիլյամը ցանկացավ, որ Քեյթը մի փոքր հանգստանա մի քանի ծանր շաբաթներից հետո: Նրանք երկուսն էլ սիրում են լինել մաքուր օդում, իսկ եղանակը դա թույլ է տալիս: Այնպես որ, ճամփորդելու համար կատարյալ ժամանակ է»,- ասել է զույգի մտերիմներից մեկը:
