1993-ի հոկտեմբերի 31-ին մահացել է հայտնի ռեժիսոր Ֆեդերիկո Ֆելինին: ELLE-ն նրա մասին գրում է այն ամենը, ինչ անհրաժեշտ է իմանալ:
1. Ֆեդերիկո Ֆելինին ծնվել է 1920-ի հունվարի 20-ին Իտալիայի Ռիմինի քաղաքում:
2. Ֆելինին իրեն փորձել է ծաղրանկարչի, լրագրողի և սցենարիստի դերում: 1942-ին Ֆելինիին ուղարկել են ֆաշիստական Իտալիայի կողմից բռնազավթված Լիբիա, որտեղ նա հանդես է եկել որպես ֆիլմի սցենարիստ և ռեժիսոր:
3. Մուսոլինիի ռեժիմի անկումից հետո` 1943-ի հոկտեմբերի 30-ին, Ֆելինին ամուսնացել է իր հարսնացուի` Ջուլիետա Մազինայի հետ:
4. Ռոբերտո Ռոսելինիի հետ ծանոթությունը մեծ ազդեցություն է թողել Ֆելինիի ճակատագրի վրա: 1947-ին նա «վաստակեց» իր առաջին անվանակարգն «Օսկար»-ում` որպես «Հռոմ`բաց քաղաք» ֆիլմի սցենարի համահեղինակ:
5. Ֆելինիի առաջին գլուխգործոցներից է «Ճանապարհ» ֆիլմը, որտեղ գլխավոր դերում Մազինան է: Այն էկրան է բարձրացել 1945-ին: Ֆեդերիկոն ծանր է տանում Մազինայի և իրենց միակ զավակի մահը:
6. 1950-ականներին Մարչելո Մաստրոյանիի հետ նկարահանել է «Քաղցր կյանք» ֆիլմը, որը Վատիկանի քննադատությանն է արժանացել: Ֆիլմի համար շրջադարձային եղավ Կաննի կինոփառատոնում 4 Արմավենու ոսկե ճյուղ ստանալը:
7. Ֆելինիի ևս մեկ գլուխգործոց է դարձել «8 1/2» տրագիկոմեդիան:
8. Ֆելինիի շնորհիվ անգլերենը հարստացրեց իր բառապաշարը առնվազն 2 բառերով` պապարացի («Քաղցր կյանք» ֆիլմի Պապարացո անունով լուսանկարիչը) և Felliniesque (անգլիացիներն այդպես են անվանում ամեն զարմանահրաշ բան):
9. Ռեժիսորը 5 «Օսկար» է ստացել:
10. Ֆելինին մահացել է հոկտեմբերի 31-ին` իր և Մազինայի հարսանիքի 50-ամյա տարելիցի հաջորդ օրը: