Քիչ առաջ ավարտվեց իշխող Հանրապետական կուսակցության գործադիր մարմնի նիստը:
Կուսակցության մամլո խոսնակ Էդուարդ Շարմազանովն ասաց, որ նիստի ընթացքում քննարկվել են արտաքին քաղաքական հարցեր՝ հիմնականում Սերժ Սարգսյանի հանդիպումը Ֆրանսուա Օլանդի և Իլհամ Ալիևի հետ:
Ինչ վերաբերում է Եռյակի ներկայացրած պահանջներին, Էդուարդ Շարմազանովն ասաց. «Ես արդեն անդրադարձել եմ, ավելացնեմ միայն, որ ուլտիմատումներով և պահանջներով խոսելը քաղաքականության լեզու չէ: Մենք արդեն անդրադարձել ենք նրանց պահանջին , արտահերթ ընտրությունները պատվերով համերգ չեն»:
ՀՀԿ խոսնակը նշեց նաև, որ միշտ էլ կգտնվեն հասարակության շերտեր, որ դժգոհ կլինեն այս կամ այն իրավիճակից կամ իրենց ներկայությունից խորհրդարանում, բայց դրանք արտահերթ ընտրություններ անցկացնելու հիմք չեն կարող լինել. «Մենք գնում ենք համակարգային փոփոխությունների ճանապարհով, իսկ համակարգային փոփոխությունները սահմանադրական բարեփոխումներն են»:
Նիստի ընթացքում չեն քննարկվել փոխվարչապետ և Ազգային անվտանգության խորհրդի քարտուղար նշանակելու հարցերը: