ԵՄ-ն այսօր Առևտրի Համաշխարհային կազմակերպություն (ԱՀԿ) հայց է ներկայացրել Ռուսաստանի դեմ՝ կապված Եվրոպայի երկրներից ՌԴ գյուղատնտեսական և արդյունաբերական արտադրանքի, մասնավորապես՝ թղթի, արմավենու յուղի, սառնարանների և սառցարանների մատակարարման տուրքերի բարձրացման հետ: Այս մասին հայտնում է Reuters-ը:
ԱՀԿ հայտարարության համաձայն՝ ԵՄ-ն Ռուսաստանին մեղադրել է այն բանում, որ նրա ներդրած տուրքերը ապրանքների մի քանի տեսակների դեպքում զգալիորեն գերազանցում են թույլատրված սահմանը: ԱՀԿ-ի կանոններով՝ առաջացած հակասությունները հարթելու համար տրվում է 60 օր: Եթե կողմերը համաձայնության չեն գալիս, գործը կփոխանցվի փորձագետների միջնորդ խմբի քննարկմանը:
Եվրոպական հանձնաժողովի հաղորդագրության մեջ ասվում է, որ ԵՄ-ն մտադիր է ԱՀԿ-ի շրջանակներում թղթե արտադրանքի, սառնարանների և արմավենու յուղի տուրքի վերաբերյալ խորհրդակցություններ անցկացնել Ռուսաստանի հետ: