«Օրենքով գող» Ռովշան Ջանիևի նկատմամբ, որը հայտնի է որպես Ռովշան Լենքորանցի, կարող է հայտարարվել հերթական որսը, այս անգամ՝ իսպանական բանտից ազատված 61-ամյա «օրենքով գող» Զախարի Կալաշովի (Շաքրո Մոլոդոյ) կողմից, հայտնում է ռուսական «Պրայմ Կրայմ» պարբերականը:
Պարբերականի տեղեկություններով՝ դուրս գալով Ռուսաստանի ՆԳՆ-ից՝ Շաքրոն Պիչուգայի (Յուրի Պիչուգին), Վոսկրեսի (Վասիլի Խրիստոֆորով), Ռաջիկի (Ռաջիդին Մեհրալիև) ու Մացիի (Նիկոլայ Տուտբերիձե) հետ միանգամից այցելել է Դեդ Հասանի ու Յապոնչիկի գերեզմաններին: Այնտեղ նա, իբր, խոստացել է, որ «չի ներելու նրանց մարդասպաններին»:
Նշվում է, որ հանգուցյալ Դեդ Հասանի կողմնակիցները, կոնկրետ անուններ չնշելով, նրա մահվան համար մեղադրում են նաև Ռովշանին, որը միակն է մեղադրվող պարագլուխներից, ովքեր ազատության մեջ են:
Բանտից ազատվելուց հետո Շաքրոն զերծ է մնում շատերի հետ շփումից:
Առայժմ Ռովշան Լենքորանցու գտնվելու վայրի մասին ոչինչ հայտնի չէ: Պարբերաբար տեղեկություններ են հայտնվում, որ նա մասնակցում է Թուրքիայում գողական հավաքների: Վերջերս Ինտերպոլը նրա վրայից հանել էր քրեական հետախուզությունը: