ԱԺ-ում բյուջեի նախագծի քննարկմանը ԲՀԿ պատգամավոր Վահագն Մախսուդյանը հետաքրքրվեց ֆինանսների փոխնախարար Պավել Սաֆարյանից, թե ԵՏՄ անդամակցության դեպքում ինչպիսի պետական աջակցություն է նախատեսվում այն իրագործելու համար: Պավել Սաֆարյանը նշեց, որ ԵՏՄ-ի մեջ մտնելու հանգամանքը հաշվի չի առնված պարզ իրավական պատճառով, երբ մենք սահմանադրության համաձայն ներկայացնում էինք բյուջեի նախագիծը, այդ համաձայնագիրը դեռ գոյություն չուներ.«Դուք պատկերացնո՞ւմ եք, եթե այդ համաձայնագիրը դեռ չհաստատած մենք այդ չհաստատած համաձայնագրի հետևանքները և արտացոլում պետբյուջեում: Ինչ հետևանքներ կառաջացնի, ես առաջարկում եմ առայժմ ձեռնպահ մնալ նման հարցադրումներից»,-ասաց Պավել Սաֆարյանը՝ հավելելով, որ երբ համաձայնագիրը կկնքվի և հետևանքները կգնահատվեն և այս կամ այն ձևով, դա կլինի օրենքի մեջ լրացում, թե կառավարության որոշում, դա անպայման կարտացոլվի:
«Պահուստային ֆոնդում գումար նախատեսել եք այդ հետևանքների համար»,- ասաց Վահագն Մախսուդյանը:
Պավել Սաֆարյանն էլ հակադարձեց.«Դուք գիտե՞ք ինչ բան ա պահուստային ֆոնդը, պահուսատային ֆոնդը մի գումար ա, որը դեռ չգիտենք ինչի վրա կծախսենք»,-հավելեց նա: