ԱՄՆ-ում Mountcastle Turch Funeral Homes հուղարկավորման բյուրոն առաջարկում է Harley Davidson դիակառք՝ նախատեսված հուղարկավորությունների համար: Այս մասին հայտնում է The New York Daily News-ը:
Գործակալության ղեկավար Մայքլ Թյորչը հայտարարել է, որ 6 տարի առաջ համակարգել է ծիսական ծառայություն մի ընտանքի համար, որը հանգուցյալի համար Harley դիակառք էր ցանկացել: Դրանից հետո բոլորը սկսել են հուղարկավորման համար նման մեքենա հարցնել: Թյորչը գտել է ընկերություն, որը պատրաստել է դիակառքով մոտոցիկլետային տրանսպորտային միջոց 85 հազար դոլարով: Դրա պատրաստման համար մոտ 4-5 ամիս է պահանջվել:
Թաղման բյուրոյի սեփականատիրոջ խոսքով՝ այժմ մարդիկ հաճախ են իրեն ասում, որ կցանկանային վերջին ուղևորությունը կատարել մոտոցիկլետով: