2015-ի բյուջեի նախագծով նախատեսվել է աշխատանքի և սոցիալական հարցերի նախարարությանը բյուջեից հատկացնել 355,5 միլիարդ դրամ, որը կազմում է ընդհանուր բյուջեի ծախսերի շուրջ 29 տոկոսը: 2014-ի նկատմամբ հատկացումն ավելացել է 23,5 միլիարդ դրամով:
Նախարար Արտեմ Ասատրյանը նշեց, որ նախարարության և սոցիալական ապահովության պետական ծառայության միջոցով իրականացվելու են 72 ծախսային ծրագրեր, որոնցից նախատեսված միջոցները կազմում են 359,3 միլիարդ դրամ, այսինքն՝ ոլորտի հատկացրած բյուջեի 93 տոկոսը:
Նախարարը ներկայացրեց ըստ ոլորտների 2015-ին կատարվող աշխատանքները, ըստ որի՝ կառավարության հիմնական քաղաքականությունը կենսաթոշակի չափերի շարունակական բարձրացումն ապահովելն է, նախատեսվում է մինչև 14 տոկոսով ավելացնել աշխատանքային կենսաթոշակի չափը 2015-ի հունվարի մեկից: Հիմնական կենսաթոշակի չափը ավելացվելու է 2 հազար դրամով՝ դառնալով 16.000 դրամ: