«Համբուրգ»-ը ներողություն է խնդրել «Բավարիա»-ի կիսապաշտպան Ռիբերիից` Գերմանիայի գավաթի խաղարկության երկրորդ փուլի հանդիպման վերջնամասում տեղի ունեցած միջադեպի համար:
Հիշեցնենք` խաղի ավելացված ժամանակում խաղադաշտ ներխուժեց մի երկրագու, ով նախ փորձեց հարվածել ֆրանսիցուն, այնուհետև տգեղ ժեստ ցուցադրեց:
«Հարգելի «Բավարիա», հարգելի Ֆրանկ Ռիբերի: Մենք հայցում ենք ձեր ներողամտությունը` մեր թիմերի հանդիպման վերջնամասում տեղի ունեցած միջադեպի համար: Դա «Համբուրգ»-ը չէր»,- նշվում է ակումբի հղած հաղորդագրության մեջ:
Ֆուտբոլիստն իր հերթին որոշել է մեծ ողբերգություն չդարձնել նշված դրվագը:
«Ուրախ եմ, որ ամեն ինչ լավ ավարտվեց: Իհարկե, տհաճ դրվագ էր: Ես անգամ չէի նկատել, թե ինչպես է նա մոտեցել ինձ»,- նշել է Ռիբերին: