Գիտնականները, վերլուծելով աուտիզմով հիվանդ երեխաների և նրանց ծնողների ԴՆԹ-ները, առանձնացրել են 33 գեն, որոնք կարող են կապված լինել դրա առաջացման հետ: Այս մասին գրում է BBC-ն:
Մեծ Բրիտանիայի՝ աուտիզմի հարցերով ազգային համայնքում, այնուամենայնիվ, նախազգուշացնում են, որ դեռևս վաղ է խոսել աուտիզմի առաջացման կոնկրետ պատճառների մասին:
Աուտիզմը մարդու զարգացման խաթարումն է: Այս հիվանդության զարգացման պատճառը մինչև վերջ բացահայտված չէ, սակայն ապացուցված է, որ այս խանգարման հիմքում ընկած են ժառանգական մեխանիզմները, որոնք հանգեցնում են կենտրոնական նյարդային համակարգի աշխատանքի խախտման: