Լուսանկարների և կարճ տեսահոլովակների տեղադրման համար նախատեսված Instagram ծառայությունը լրատվական ժապավենում սկսել է օգտատերերին տեսագովազդ ցուցադրել: Այս մասին հայտնում է AdWeek պարբերականը:
Գովազդի համար ռեսուրսում հարթակ վաճառելու ծրագրերի մասին հայտարարվել էր դեռևս անցած տարվա աշնանը:
Instagram-ը խոստանում է մանրակրկտորեն մոտենալ գովազդի ընտրությանը: Instagram-ում տեսագովազդ տեղադրած առաջին բրենդների ցուցակում են Disney-ը, Lancome-ը, Activision-ը և Banana Republic-ը:
Instagram-ը գործարկվել է 2010 թվականին: 2012 թվականից պատկանում է Facebook սոցցանցին: Instagram-ի բջջային հավելվածներից ողջ աշխարհում օգտվում է ավելի քան 200 մլն մարդ: