Ռուսաստանը, ԵՄ-ն և Ուկրաինան համաձայնություն են ձեռք բերել ռուսական գազի մատակարարումները ուկրաինացի սպառողների համար վերսկսելու, դրա տարանցումը ԵՄ երկրներ երաշխավորելու և Կիևի գազային պարտքերի մասամբ մարման մասին՝ գրում է TASS-ը:
Էներգետիկայի հարցերով եվրահանձնակատար Գյունթեր Էթինգերը հայտարարել է, որ երկօրյա բանակցությունների արդյունքում ստորագրվել է 4.6 մլրդ դոլար արժողությամբ պայմանագիր:
Համաձայնությունը հաջողվել է ձեռք բերել այն բանից հետո, երբ Ուկրաինան և ԵՄ-ն համաձայնեցրել են գազային պարտքերի մարման աղբյուրը, իսկ Ռուսաստանը երաշխիքներ է ստացել, որ Կիևի հայտարարած միջոցներն իսկապես առկա են: