Պենտագոնի ղեկավար Չաք Հեյգելը հայտարարել է, թե Սիրիայի նախագահ Բաշար Ասադը կարող է «որոշակի առավելություններ» ստանալ այդ երկրում «Իրաքի և Շամի իսլամական պետություն» (ԴԱԻՇ) խմբավորման դիրքերին ԱՄՆ հարվածներից։ Այնուամենայնիվ, Վաշինգտոնը շարունակում է հանդես գալ զբաղեցրած պաշտոնից նրա ազատման օգտին։
«Այո, իհարկե, Ասադի համար կան որոշակի առավելություններ, բայց մենք խոսում ենք երկարաժամկետ ռազմավարության մասին»,- նշել է ամերիկյան պաշտպանական գերատեսչության ղեկավարը հինգշաբթի օրվա ճեպազրույցում։
Պատասխանելով այն հարցին, թե Վաշինգտոնը արդյոք առաջվա պես հանդես է գալիս Սիրիայի նախագահի պաշտոնից Ասադի հեռացման օգտին, Հեյգելը հայտնել է, թե «դա այդ վարչակազմի քաղաքականությունն է»։