Opera-ն 138,8 մլն դոլարի հասույթ է ստացել 2014 թ. երրորդ եռամսյակի համար, որը 84 տոկոսվ բարձր է մեկ տարի առաջվա նույն ժամանակահատվածի ցուցանիշներից։ Այդ մասին ասվում է ընկերության կայքի հաղորդագրությունում։
Մաքուր վնասը կազմել է 11,7 մլն դոլար՝ համեմատած 2013 թ. երրորդ եռամսյակի 1,3 մլն դոլարի շահույթի հետ։ Մինչդեռ, շտկած EBIDTA-ն կազմել է 33,9 մլն դոլար, ինչը 51 տոկոսով ավելի բարձր է, քան մի տարի առաջ։
Ընկերության հայտարարությամբ, ձեռք բերված հասույթն ու շտկված EBIDTA-ն ռեկորդային են։ Սակայն շահույթ չի հաջողվել ստանալ այն ծախսերի պատճառով, որոնք աճել են կրկնակ չափով՝ 2013-ի երրորդ եռամսյակի 59,9 մլն դոլարից մինչև 2014 թ. համապատասխան եռամսյակի 119,3 մլն դոլարը։ Զգալիորեն աճել են բաժնետերերին վճարելու ծախսերը՝ 4,5 անգամ մինչև 4,5 մլն դոլար։