Բրիտանական մամուլը հայտնում է, որ Էշթոն Քաթչերը Միլա Կունիսին դավաճանել է հենց նրանց սիրավեպի սկզբում: Այս մասին պատմել է Շվեդիայից մի դիմահարդար՝ Լինն Մեսսինգերը, ում դերասանը իբրև թե ծանոթանալուց հետո՝ 2014թ. հունիսին հրավիրել է իր առանձնատուն:
Լիննը, ով այդ ժամանակ 21 տարեկան է եղել, խոստովանել է. «Նա ուղղակի բռնեց ձեռքս և ինձ վերև տարավ»:
Աղջկա խոսքերով՝ Էշթոնը Կունիսի մասին ոչ մի անգամ չի խոսել. «Երբ ես նրա տանն էի, նա ինչ Միլայի կամ ուրիշի մասին ոչինչ չասաց: Հուսով եմ, ես այդ ժամանակ դուր էի գալիս նրան»:
Որպես ապացույց Մեսսինգերը Sun պարբերականին լուսանկարներ է տրամադրել, որտեղ նրանք Քաթչերի հետ միասին անկողնում են: Այդ ժամանակ դերասանը պատրաստվում էր Սթիվ Ջոբսի դերին, այդ պատճառով էլ լուսանկարներում նա երկար մազեր և մորուք ունի:
ԶԼՄ-ները պատմում են, որ Էշթոնը և Լիննը ծանոթացել են բարում: Նա աղջկան որպես Քրիս է ներկայացել, որը դերասանի անվան մասն է կազմում: Էշթոնը ընկերների և Լիննի հետ իր առանձնատուն է մեկնել, իսկ բոլորի հեռանալուց հետո զույգը առանձնացել է Էշթոնի տան վերնահարկում:
Նշենք, որ ավելի վաղ, երբ դերասանը ամուսնացած էր Դեմի Մուրի հետ, նրան բազմիցս մեղադրել են դավաճանությունների մեջ, որոնց արդյունքում նրանք ամուսնալուծվել են:
