Ամերիկյան հեղուկ բնական գազի (ՀԲԳ) մատակարարումները Ճապոնիային արդեն 2016 թվականին կփակեն երկրի այդ հումքի պահանջարկի 20%-ը։ Նման գնահատական է լրագրողներին հայտնել Սինիտի Կիխարան, որն զբաղեցնում է Ճապոնիայի էկնոմիկայի, արդյունաբերության և առևտրի նախարարությանը կից բնական պաշարների և էներգետիկայի կառավարման միջազգային դեպարտամենտի տնօրենի պաշտոնը։
Նրա խոսքով՝ 2012-2013 թթ. ՀԲԳ-ի շուկան շատ նեղ էր, սակայն առաջարկի ծավալն անշեղորեն աճում է։ 2016 թ. կսկսվեն ՀԲԳ-ի հինգ նախագծերով մատակարարումներն ԱՄՆ-ից, որոնք տարեկան կկազմեն մոտավորապես 17 մլն տոննա, ինչը կփակի Ճապոնիայի գազի ընթացիկ պահանջարկի 20%-ը։
«Ամերիկյան գազը գալիս է, և այն էժան կլինի։ Նրա գինը մոտավորապես 30%-ով ցածր կլինի, քան այն, որը Ճապոնիան վճարում է հիմա»,- ասել է Կիխարան։