Սքոթլենդ Յարդը թեստավորում է Accenture ընկերության մշակած հավելվածը, որն ի զորու է «գուշակել» հանցագործների վարքը, գրում է The Times-ը։ Ինչպես նշում է թերթը, ծրագիրը որոշում է ավազակախմբի այն անդամներին, որոնք առավել հակված են հանցանք գործելու բռնության կիրառմամբ։
Այդպիսի նույնականացման համար հավելվածն ուսումնասիրում է խմբավորման մասնակիցների քրեական անցյալը, ինչպես նաև նյութը, որը նա հրապարակում է սոցցանցերում և ինտերնետում ընդհանրապես։ Դրանից հետո հավելվածը գնահատում է նոր հանցանք գործելու հավանականությունը։
Պիլոտային նախագծի թեստավորումը շարունակվել է 20 շաբաթ և ավարտվել է այս շաբաթ։ Accenture-ի մշակած սոֆթը ունեցել է Լոնդոնի ոստիկանության և քննիչների օգտագործած տվյալների տարբեր բազաների հասանելիություն, մեջբերում է BBC-ի ռուսական ծառայությունը։ Ծրագիրը գնահատել է տեղեկատվությունը այն հանցագործությունների մասին, որոնք կատարել են ավազակախմբերի անդամները՝ կամայական ընտրված չորս տարվա ընթացքում, և տվել է իր կանխատեսումը, որից հետո արդյունքները համեմատվել են այդ հանցագործությունների մասին իրական տեղեկությունների հետ։