Հայաստանը չի կորցրել իր ռազմավարական կարևորությունը նաև տարածաշրջանի սահմաններից դուրս: Կովկասիինստիտուտի նախաձեռնությամբ կազմակերպված «Ուկրաինական ճգնաժամը և դրա ազդեցությունը Հարավային Կովկասիվրա. քաղաքականություն ևանվտանգություն» թեմայիշուրջ կլոր սեղանի ընթացքում այս մասին ասաց Տարածաշրջանայինուսումնասիրություններիկենտրոնիտնօրեն Ռիչարդ Կիրակոսյանը՝ անդրադառնալով տարածաշրջանային զարգացումներին:
Նա նշեց, որ առաջիկա ժամանակաշրջանում լինելու է ուկրաինական ճգնաժամի շուրջ իրական մարտահրավեր: Ինչ վերաբերում է տարածաշրջանին, ապա նրա դիտարկումներով՝ ակնհայտ է, որ Ռուսաստանը շարունակում է ընդլայնել ռազմական ներկայությունն իր մոտ հարևանությունում, այդ թվում՝ Հայաստանում:
«Իրականում Ռուսաստանը փորձում է ետ մղել եվրոպական ներգրավվածությունը, և սա վերաբերում է նաև Հայաստանին: Անկախ նրանից, թե ինչ տեղի կունենա ԵՏՄ-ի հետ, Հայաստանի՝ ԵՏՄ անդամակցության հետ, Հայաստանը պետք է դասեր քաղի Ուկրաինայի օրինակից և ակնհայտորեն հասկանա այն վտանգները, որոնք կարող են բխել այսօր Պուտինի հետ շատ սերտ համագործակցությունից, ինչը կարող է բերել անկախության և ինքնիշխանության թուլացման՝ միևնույն ժամանակ ՌԴ-ի դեմ կիրառվող պատժամիջոցների ազդեցության տեսանկյունից»,- ասաց Ռիչարդ Կիրակոսյանը:
Վերջինս նաև ասաց, որ Հայաստանը չի կորցրել իր ռազմավարական կարևորությունը տարածաշրջանի սահմաններից դուրս ևս, ինչն ապացուցեց Գերմանիայի ԱԳ նախարարի այցը Երևան: