Հոլիվուդյան դերասանուհի Ջուլյա Ռոբերթսն առաջադրվել է Women’s Image Network ֆեմինիստական մրցանակի՝ «Սովորական սիրտ» ֆիլմում աշխատանքի համար, որն էկրան է բարձրացել 2014թ. մայիսին: Հաղթողների անունները պաշտոնապես կհայտարարվեն դեկտեմբերի 14-ին՝ Կալիֆոռնիայում: Այս մասին հայտնում է The Hollywood Reporter-ը:
Ռայան Մերֆիի «Սովորական սիրտ» դրամայում գործողությունները կատարվում են 1980-ականներին: Նյու Յորքի մի քանի համասեռամոլներ փորձում են իշխանությունների և հասարակության ուշադրությունը գրավել ՁԻԱՀ-ի սկսվող համաճարակին: Ջուլյա Ռոբերթսը մարմնավորել է հաշմանդամ բժշկի, որը գեյերին փորձում է օգնել իրենց իրավունքների և կյանքի համար պայքարում: Գլխավոր դերերում նաև նկարահանվել են Մարկ Ռուֆֆալոն, Մեթ Բոմերը և Թեյլոր Քիթչը:
Ռոբերթսից բացի՝ մրցանակի թեկնածու են դերասանուհի Ջոան Ռիվերզը, «Կրքի անատոմիայի» պրոդյուսեր և հեղինակ Շոնդա Ռայմսը, դերասանուհի Էմմա Ռոբերթսը:
Women’s Image Network-ն ԱՄՆ-ում ամեն տարի շնորհվում է կինոյի հետ կապված անձանց՝ «մարդկանց, որոնք իրենց արվեստի և հանրային գործունեության միջոցով տարածում են գենդերային հավասարություն»:
