Apple-ի ղեկավար Թիմ Կուկը Bloomberg Businessweek-ի իր սյունակում հայտարարել է, թե հպարտանում է, որ ինքը գեյ է:
«Ես երբեք չեմ թաքցրել իմ սեքսուալ կողմնորոշումը: Apple-ում շատ գործընկերներ գիտեն, որ ես գեյ եմ, ու դա ոչ մի կերպ չի ազդել իմ հանդեպ նրանց վերաբերմունքի վրա: Իհարկե, ես երջանիկ եմ աշխատել այն ընկերությունում, որը սիրում է ստեղծագործությունն ու ինովացիան ու այդ իսկ պատճառով գիտի՝ որքան կարևոր է ընդունել մարդկանց տարբերությունները, սակայն ոչ բոլորի բախտն է այդքան բերում»,- նշել է Կուկը:
Թիմ Կուկի կարծիքով՝ վերջին տասնամյակում աշխարհը շատ է փոխվել, ու Ամերիկան շարժվում է տարբեք սեքսուալ կողմնորոշում ունեցող մարդկանց ամուսնության հավասարության ուղղությամբ, իսկ հասարակությունը ընդհանուր առմամբ ավելի հանդուրժող է դարձել:
«Այդուհանդերձ, բազմաթիվ երկրներում գոյություն ունեն օրենքներ, որոնք գործատուներին թույլ են տալիս աշխատանքից հեռացնել մարդկանց՝ հիմնվելով բացառապես նրանց սեքսուալ կողմնորոշման վրա: Կան բազմաթիվ վայրեր, որտեղ կարող են դուրս հանել վարձակալին միայն այն բանի համար, որ նա գեյ է»,- հայտարարել է Կուկը:
«Եթե նորությունը այն մասին, որ Apple-ի գլխավոր տնօրենը գեյ է, կարող է օգնել ինչ-որ մեկին, ես հանուն դրա պատրաստ եմ զոհաբերել իմ անձնական կյանքի մասին տեղեկատվությունն ու գաղտնիությունը»,- ասել է Կուկը: