«Ուզում ենք, այո, որ չգողացվեն փողերը, և դրանցով առանձնատներ չկառուցվեն այլևս». Տիգրան Ուրիխանյան

ԲՀԿ պատգամավոր Տիգրան Ուրիխանյանը ԱԺ-ում 2015-ի բյուջեի նախագծի քննարկմանը իր դժգոհությունը հայտնեց ԵՄ-ի կողմից տրվող դրամաշնորհների թափանցիկ ծախսման հետ կապված: «Ուզում ենք, այո, որ չգողացվեն փողերը, և դրանցով առանձնատներ չկառուցվեն այլևս: Սրա մասին է խոսքը: «Պորցիա» բառը իսկապես տեղին չէ կիրառելը»,- նկատողություն արեց նա Պավել Սաֆարյանին:

Պավել Սաֆարյանը նշեց, որ արտահայտվում է այնքան, որքան կարող է: Ի պատասխան՝ Տիգրան Ուրիխանյանը հավելեց. «Անձնական բան չկա, Դուք Ձեզ վրա մի վերցրեք»: Պավել Սաֆարյանն էլ նշեց. «Դուք էլ Ձեզ վրա մի վերցրեք»: Տիգրան Ուրիխանյանը շարունակեց. «Ախր, ես որևէ խնդիր չունեմ իմ վրա վերցնելու, մեղքը ֆինանսների նախարարության բաժնում է»,- ասաց Տիգրան Ուրիխանյանը:

«Կարող է Ձեզ մոտ շատ հարցեր կան, բայց ես չեմ եկել այստեղ բոլոր հարցերը Ձեզ հետ քննարկելու: Վերահսկողության հետ կապված ես Ձեզ հետ հարցեր չեմ քննարկում: Երբ կլինի Ձեր կողմից օրենսդրական նախաձեռնություն կամ կառավարության կողմից, և կառավարությունը կլիազորի ինձ գալ, ես կգամ, կպատասխանեմ ձեր հարցերին»,- ասաց Պավել Սաֆարյանը:

 

Լուսանկարը` PanARMENIAN Photo-ի