Բրիտանացիները, ամերիկացիներն ու ֆրանսիացիները խոժոռ են ծնվում, գրում է The Times-ը՝ հղում անելով հետազոտողներին: Նշվում է, որ Մեծ Բրիտանիայի, ԱՄՆ-ի և Ֆրանսիայի բնակիչները «գենետիկորեն ծրագրավորված են» պակաս կենսուրախ լինելու, քան, օրինակ, դանիացիները, որոնք պարբերաբար հայտնվում են աշխարհի ամենաերջանիկ մարդկանց ցուցակում:
Մասնագետների խոսքով՝ բրիտանացիները գենի կարճ ձև ունեն, որը պատասխանատու է ուղեղում սերոտոնինի մակարդակի համար: «Բայց ամեն ինչ կարող էր ավելի վատ լինել. մենք կարող էինք ֆրանսիացի լինել, որոնց մոտ, դատելով ամենից, (այդ գենի) ամենակարճ ձևերից մեկն է»,- ասվում է The Daily Express-ի հոդվածում:
«Ազգերի շրջանում, որոնց մենք ուսումնասիրել ենք, դանիացիների և նիդերլանդցիների շրջանում սերոտոնինի գենի կարճ ձևով ամենաքիչ թվով մարդիկ են եղել»,- ասել է պրոֆեսոր Էնդրո Օսվալդը Ուորիքսի համալսարանից: