«Հրապարակ» թերթը գրում է. «Մեր տեղեկություններով, Հովիկ Աբրահամյանն անցած շաբաթ նորից փակ հանդիպում է ունեցել խոշոր գործարարների, արտահանողների հետ՝ հասկանալու, թե գործերն ինչ վիճակում են: Վարչապետի հյուրերը ոգևորված են եղել, որովհետև ՌԴ-ի հետ արտահանման մի շարք «կանալներ» են նախորդ հանդիպումից հետո բացվել:
Հիշեցնենք, որ մոտ 2 ամիս առաջ նմանատիպ հանդիպման ժամանակ գործարարները դժգոհել էին, որ պատասխանատու գերատեսչություններն արտահանողներին չեն աջակցում և գործարարների հետ ակտիվ չեն աշխատում, ինչից հետո Աբրահամյանը կարգադրել էր ուսումնասիրել գերատեսչությունների և հատկապես տնտեսական բլոկի աշխատանքը: Վերջին հանդիպումը կայացել է «տղայական» մթնոլորտում, և արտահանողներն էլի են անկեղծացել` պատմելով, թե ինչ խոչընդոտների առաջ են կանգնում արտահանման ժամանակ: Աբրահամյանը խոստացել է կարգավորել նաև ՌԴ-ի հետ կապված բոլոր խնդիրները»:
Մանրամասները՝ թերթի այսօրվա համարում