Լոռու մարզպետ Արթուր Նալբանդյանը հերքում է, որ կիրակի օրը Ստեփանավանում Սոս Սարգսյանի արձանի բացման ժամանակ այդ քաղաքի իշխանությունները մարզպետին ու վարչապետ Հովիկ Աբրահամյանին գովաբանող միջոցառումներ էին կազմակերպել: «Նման բան չի եղել»,- «Առաջին լրատվական»-ի հետ զրույցում ասաց Ա.Նալբանդյանը:
Հիշեցնենք, որ կիրակի օրը Ս.Սարգսյանի բացման հանդիսավոր արարողության ժամանակ փոքրիկ ներկայացում էր կազմակերպվել: Եվ նույնիսկ այս օրը ներկայացման մասնակիցներն անմասն չմնացին ՀՀ իշխանություններին գովերգելուց: «Սոս ջան, գիտե՞ս՝ էս ազիզ օրով ովքե՞ր են եկել. ՀՀ վարչապետ Հովիկ Աբրահամյանը, ժողովուրդ, գիտե՞ք ինչ լավ մարդ է, մեր մարզպետը՝ Արթուր Նալբանդյանը, ջանին մատաղ»: