Կոտայքի մարզպետ Արամ Հարությունյանը այսօր ԱԺ-ում բյուջեի նախագծի նախնական քննարկումից հետո պատասխանեց լրագրողների հարցերին, մասնավորապես՝ անդրադառնալով Նիկոլ Փաշինյանի դիտարկմանը, որ Տարոն Մարգարյանը արդեն երեք տարի չի ներկայանում բյուջեի քննարկմանը:
Նա նշեց, որ Տարոն Մարգարյանը որևէ խնդիր չունի ԱԺ չգալու և հարգանքով, օրենքով սահմանված կարգով՝ ի պաշտոնե շատ լուրջ վերաբերմունք ունի ԱԺ-ի հանդեպ:
«Այդտեղ չկա պարտադրանք, որ ինքն անձամբ պետք է մասնակցի: Նախորդ տարիներին եկել են իր լիազորությամբ, իր հանձնարարությամբ, ունեցել է զբաղվածություն, իսկ այս երրորդ տարվա խնդիրը նշեցի, որ ՀՀ նախագահի գլխավորած պատվիրակության կազմում Տարոն Մարգարյանը գտնվում է Հորդանանի Թագավորությունում, որտեղ Ամմանի քաղաքապետի հետ պետք է ստորագրի համաձայնության պայմանագիր»,- ասաց նա:
Լրագրողի դիտարրկմանը, որ երկրի կարևոր փաստաթուղթն է քննարկվում, Կամո Արեյանը նշեց. «Տարոն Մարգարյանը ինձնից ու ձեզնից շատ լավ է գիտակցում բյուջեի կարևորությունը: Ինքը մասնակցել է բոլոր քննարկումներին, շատ լավ տիրապետում է բոլոր ծրագրերին, այս պահին հանրապետությունում չէ, պաշտոնական գործուղման մեջ է, իր փոխարեն ես եմ ներկայացնում. որևէ արտառոց բան չկա»: