Այսօր խորհրդարանում լրագրողների հարցին, թե այս անգամ Ազատության հրապարակում կանգնած եռյակի թե՛ մարդկային, թե՛ ֆինանսական ռեսուրսն է մեծ է, այդ ռեսուրսը կարո՞ղ է հարց լուծել, կառավարության աշխատակազմի ղեկավար-նախարար Դավիթ Հարությունյանը հակադարձեց. «Դուք թերագնահատում եք այլ ռեսուրսը: Այն ռեսուրսը, որն առկա է ընտրությունների ժամանակ հաղթած իշխանական կուսակցության մոտ»: Մեր դիտարկմանը, թե այսինքն՝ իշխանությունն ավելի հարուստ է, քան Գագիկ Ծառուկյա՞նը, Հարությունյանը նման պատասխան տվեց. «Ո՞ւմ ի նկատի ունեք: Անհատական հարստությա՞ն մասին է խոսքը, բոլորինը միասին»:
Դավիթ Հարությունյանի համոզմամբ՝ «այս պարագայում ռեսուրսը չէ, որ հիմնական դերակատարում է ունենալու»:
Ինչ վերաբերում է ընդդիմության հետ երկխոսությանը, ապա իշխանությունը պատրաստ է ընդդիմության հետ համագործակցել, սակայն ո՛չ իշխանափոխության հարցի շուրջ:
Մանրամասները դիտեք տեսանյութում: