Ինչպես հայտնի է դարձել «Պրայմ Կրայմ» լրատվական գործակալությանը, այսօր առավոտյան ժ. 6:00-ին Մադրիդից Ռուսաստան ավիաչվերթով բերվել է 61-ամյա «օրենքով գող» Զախարի Կալաշովը, որը հանցագործ շրջանակներում հայտնի է որպես Շաքրո Մոլոդոյ:
Մոսկվայի «Դոմոդեդովո» օդանավակայանում նրան դիմավորել են ՌԴ ՆԳՆ աշխատակիցները, որոնք նրան պետք է ուղեկցեին նախարարություն՝ բարձրաստիճան պաշտոնայի հետ զրույցի:
Շաքրոյի վերադարձի հետ առաջին հերթին հույսեր են կապում՝ դադարեցնելու 7 տարի տևող կոնֆլիկտը գողական կլանների շրջանակում:
Փաստացի, տարաձայնությունները «գողերի» մեջ սկսվել էին արդեն Շաքրոյի կալանավորումից հետո: Այդ ամբողջ ժամանակ, մեկուսացած իսպանական բանտում, Կալաշովը չէր մասնակցում վերադասավորումներիին ու համակրանք չէր հայտնում կողմերից ոչ մեկին:
Ներկայումս, ի դեմս Շաքրոյի, ցանկանում են տեսնել մարդու, ում առաջ յուրաքանչյուրը պատասխան կտա իր արած գործերի համար:
Զախարի Կալաշովն այն հանցավոր կայսրության լիիրավ տերն է, որը մարմնավորում էր Դեդ Հասանը: Անգամ Յապոնչիկի ու Դեդ Հասանի կենդանության օրոք Շաքրոն չէր զիջում նրանց հեղինակությամբ:
Այսօր գողական աշխարհում չկա մեկը, որը ազդեցությամբ համադրելի լինի վերջինիս հետ: Բացի դրանից՝ մյուս ծանրքաշայինները՝ Տարո, Մերաբ Սուխումսկի, Լաշա Ռուսթավսկի կամ Բադրի Քութայիսկի, բանտարկության մեջ են ու այնտեղ կանցկացնեն ոչ մեկ տարի, այդ պատճառով էլ Շաքրոյի գերիշխանությունը խոստանում է լինել անվիճելի ու համընդգրկուն:
Ընդ որում՝ ամեն ինչ կախված է նրանից, թե որքան մեծ են Շաքրոյի հավակնությունները: Բացառված չէ, որ նա լքի Ռուսաստանը՝ այլոց ճանապարհ տալու համար:
Զախարի Կալաշովը դեռ ՌԴ ՆԳՆ շենքից դուրս է եկել որպես ազատ մարդ: