Ամերիկուհին 10 ժամ քայլել է Նյու Յորքի փողոցներով՝ պարզելու համար, թե այդ ընթացքում քանի անգամ է միջին կինը ենթարկվում փողոցային ոտնձգության: Փորձն արել են Hollaback շարժման ակտիվիստները՝ գրում է The New York Post-ը:
Մուգ գույնի ջինսե տաբատ և սովորական շապիկ հագած 24-ամյա Շոշանա Ռոբերթսն անցել է Մանհեթենի փողոցներով: Առջևից գնացել է նրա ընկերը՝ Ռոբ Բլիսը, որի պայուսակում թաքնված տեսախցիկ է եղել:
Տեսանյութը դիտելով՝ ակտիվիստները հաշվել են, որ 10-ժամյա զբոսանքի ընթացքում ամերիկուհին փողոցային ոտնձգության է ենթարկվել մոտ 108 անգամ՝ չհաշված աչքով անելն ու սուլելը:
Հանուն արդարության պետք է նշել, որ ոչ բոլոր արձագանքներն են վիրավորական եղել: Ոմանք նրան լավ օր են մաղթել, նաև խնդրել են ժպտալ:
