Դերասանուհի Քրիսթեն Սթյուարթը USA Today ամսագրի հետ հարցազրույցում հայտարարել է, որ ցանկանում է դադար վերցնել դերասանական կարիերայում:
«Ես պետք է դադար վերցնեմ: Ես առանց կանգ առնելու աշխատել եմ երկու տարի, և ինձ ուղղակի ժամանակ է անհրաժեշտ ինձ համար: Ես դերասանուհի եմ, դա արվեստում իրացվելու իմ ձևն է: Բայց ես իմ կարիերան սկսել եմ շատ երիտասարդ հասակում, այդ պատճառով էլ միշտ ինձ զգում էի վախեած և պակաս վճռական` իմ մյուս ներքին մղումներն իրականացնելու համար»,- խոստովանել է Սթյուարթը:
Այժմ Քրիսթենը ծրագրում է Լոս Անջելես վերադառնալ և անել այն, ինչ իրեն դուր է գալիս:
«Ես ցանկանում եմ սեփական ձեռքերով ինչ-որ բան անել: Ես այդ որոշումն ընդունեցի մի քանի շաբաթ առաջ: Բացի այդ, ես աշխատում եմ կարճամետրաժ ֆիլմի ուղղությամբ: Ես այժմ շատ բաներով եմ զբաղված, չգիտեմ ինչպես և երբ ամեն ինչ հասցնել, բայց դա կարևոր է ինձ համար: Ես անդադար գրում եմ: Իմ դադարը կտևի այնքան, որքան ինձ անհրաժեշտ լինի»,- ասել է նա: